سعودی عرب اور بھارت اسلحہ کے سب سے بڑے خریدار

لندن(نیٹ نیوز)ہتھیاروں اور اسلحہ کی برآمدات میں امریکہ کے بعد روس، فرانس، جرمنی اور چین کا نمبر آتا ہے مشرق وسطی کے علاقے کو اسلحہ کی فروخت میں دو گنا اضافہ ہو ا ہے۔اسٹاک ہوم بین الاقوامی امن تحقیقاتی انسٹیٹیوٹ کی رپورٹ کے مطابق مشرقِ وسطی کے ممالک میں اسلحہ کی درآمدات 2013 تا 2017 کے درمیانی عرصے کے مقابلے میں دو گنا بڑھ گئی ہے۔عالمی اسلحہ کی تجارت کو موضوع بنانے والی اس رپورٹ میں واضح کیا گیا ہے کہ متحدہ امریکہ ہتھیاروں کی برآمدات میں اپنی لیڈرشپ کو برقرار رکھے ہوئے ہے۔امریکہ اور جرمنی کے بھی شامل ہونے والے یورپی ممالک مشرق وسطی کے ملکوں کو اسلحہ فروخت کرنے میں پیش پیش ہے۔جبکہ خطے میں اسلحہ کا سب سے بڑا خریدار سعودی عرب ہے، امریکہ اور یورپی ملکوں نے حالیہ 5 برسوں میں اس ملک کی مانگ کے 98 فیصد کو پورا کیا ہے۔رپورٹ کے مطابق عالمی اسلحہ کے ایک بٹا تین کو امریکہ نے فروخت کیا ہے اور اس ملک کی گزشتہ 5 سالوں میں اسلحہ کی برآمدات اس سے قبل کے 5 سالہ دور کے مقابلے میں 25 فیصد تک بڑھ گئی ہیں۔ہتھیاروں اور اسلحہ کی برآمدات میں امریکہ کے بعد روس، فرانس، جرمنی اور چین کا نمبر آتا ہے۔یہ بھی واضح کیا گیا ہے کہ بھاری مقدار میں اسلحہ خریدنے والے بھارت نے دنیا بھر میں فروخت ہونے والے اسلحہ کا12 فیصد خریدا ہے۔

آدھا انسان آدھا سور،عجیب الخلقت بچے کی پیدائش

واشنگٹن(حرمت قلم مانیٹرنگ)لاطینی امریکی ملک ارجنٹائن میں ایک فارم ہاؤس پر ایسا سور کا بچہ پیدا ہوا ہے جس کی شکل حیران کن حد تک انسانوں سے مشابہہ تھی۔خبر کے مطابق یہ عجیب واقعہ ارجنٹائن کے علاقے سانتو ڈومنگو کے ایک قصبے میں پیش آیا۔ اس عجیب الخلقت بچے کی پیدائش پر پورے گاؤں میں کھلبلی مچ گئی اور ہر کوئی اسے دیکھنے چلا آیا۔ ماہرین کا کہنا ہے کہ بچے کی ماں کے پیٹ میں نشوونما بگڑنے سے اُس کی یہ حالت ہوئی۔والٹر اوسکرنامی شخص کے فارم پر پیدا ہونے والا یہ بچہ پیدائش کے بعد چند گھنٹے ہی زندہ رہ پایا کیونکہ اسے سانس لینے میں بھی شدید دشواری کا سامنا تھا۔ماہرین کا کہنا ہے کہ ملک میں فصلوں اور چارے وغیرہ پر کثیر مقدار میں زہریلے اسپرے اور کیمیائی ادویات کا استعمال ان واقعات کی بڑی وجہ ہے۔جینیاتی تبدیلیوں کے ذریعے جو خوراک پیدا کرکے جانوروں کو دی جا رہی ہے اس کی وجہ سے جانوروں اس صورتحال کا شکار ہو رہے ہیں۔واضح رہے کہ گزشتہ ہفتے بھی ارجنٹینا کے اسی علاقے میں ایک بکری نے ایسا بچہ دیا تھا جس کے دو سر تھے۔اس کے علاوہ یہاں دو سر اور 6ٹانگوں والے بچھڑے اور انسان سے مشابہہ چہرے والے بکری کے بچے کی پیدائش سمیت دیگر کئی ایسے واقعات رونما ہو چکے ہیں۔