وقت کیساتھ ساتھ مسکرانا بھول گیا ہوں

غزل.......خالد راہی

وقت کیساتھ ساتھ مسکرانا بھول گیا ہوں

شائد اس کو یاد جو آنا بھول گیا ہوں

یہ بات بھی اسکو بتانا بھول گیا ہوں

اب میں روٹھنا منانا بھول گیا ہوں

زمانے بیت گئے ہوں خود سے ملاقات کئے

بھیج کر کہیں خود کو بلانا بھول گیا ہوں

گستاخ کہہ کر بزم سے نکالا جا رہا ہوں

شائد نظروں کو جھکانا بھول گیا ہوں

بہت خوفزدہ، سہمی سی آئی تھی نیند

آنکھوں میں اسکو بسانا بھول گیا ہوں

ملاقات کا وعدہ کر کہ تو آگیا ہوں

نا ملنے کا بہانا بنانا بھول گیا ہوں

گمنام راستوں میں کوئی بھٹکتا ہے

رستہ جسکو بتانا بھول گیا ہوں

ڈوبنے سے مجھکو روک رہا ہے خالد

جسے گھر چھوڑ کے آنا بھول گیا ہوں

ربّ سلِّم (کلام محمدصدیق پرہار)

 متاع دنیا سے اعلیٰ ہیں دعائیں رسول کی

  کردیتی ہیں مالامال عطائیں رسول کی

 قرآن پاک سے ثابت ہے یہ بات دوستو

  اللہ کے ہی افعال ہیں ادائیں رسول کی

 اس کے سواورمطلوب ہی نہیں ہے

  چاہتے ہیں اصحاب باصفاء رضائیں رسول کی

 گھیرے ہوئے ہیں جن کوبہت پریشانیاں

  گھرمیں وہ اپنے محفل سجائیں رسول کی

 ہوجائیں گی دورظلمتیں سارے جہان سے 

  کریں چراغاں گھرگھرشمع جلائیں رسول کی

 مہکتے رہیں گے خوشبوئے مصطفی سے سانس 

   دلوں میں اپنے یادیں بسائیں رسول کی

 محفوظ رہے گی عزت مائوں، بہنوں،بیٹیوں کی

  اوڑھتی رہیں گی جب تک ردائیں رسول کی

 ترقی ملے گی اسی میں ملے گی بھلائی بھی 

  تقلیدِ اغیارچھوڑیں سیرت اپنائیں رسول کی

 ضروری ہے اس دورکے تقاضوں سے زیادہ 

  اولادوں کواہلبیت کی محبت سکھائیں رسول کی

 گزریں گے پل صراط سے وجد کرتے ہم دیوانے 

  ربّ سلِّم امتی ہوں گی صدائیں رسول کی

 کہہ رہے تھے اہل محبت صدیقؔ ابھی مجھے 

  اسی محفل میلاد میں نعت سنائیں رسول کی

تمھاری آنکھوں میں کانٹے ہونگے

تمھاری آنکھوں میں کانٹے ہونگے

ایک راستہ سمجھ کر ،میں یہ کیا کر رہا تھا 

دن رات مشقت کررہا تھا

بڑھ بڑھ کرکانٹے چن رہا تھا 

مگر یہ کیا کہ یہاں توکانٹوں سے اٹی 

انگنت راہیں ہیں اور ان پر لگی انگنت آنکھیں ہیں

انگنت زبانوں میں انگنت باتیں ہیں

میری تو بہت مختصر سی جھولی ہے

جوبہت جلد بھر جائے گی

تن پر جو پیرہن ہے ان کانٹوں میں الجھ کر تار تار ہوجائے گا

مختصر زاد راہ کم ہوتے ہوتے ختم ہوجائے گا

اس خار زار راستے پر کوئی نہیں آتا

تمھیں اٹھانے بھلا کون آئے گا

بھلا کون تمھاری ٹوٹتی ہمت بندھائے گا

بدن کٹتا جائے گا، زخموں سے بہتا لہوخشک ہوجائے گا 

مگر یہ تو تم بھی جانتے ہو 

نا تو یہ کانٹے ختم ہونگے اور نا ہی یہ باتیں تمام ہونگیں

ہاں آنکھیں بند ہونگی 

جو تمھاری بھی ہونگی اور ہماری بھی ہونگی

تمھاری آنکھوں میں زمانے بھر کے کانٹے ہونگے

ہماری آنکھوں میں سہانے سپنے ہونگے ۔

خالد راہی

کبھی آکاش تلے

کبھی آکاش تلے

اوائل مارچ کی تھوڑی سرد سرد

تھوڑی گرم دھوپ ھو

گزرتی بہاروں کی ہر ادا

ٹہنیوں پر پھوٹتے شگوفوں کی

ہر سو بکھرتی خوشبوئیں ھوں

گنگناتی ہواؤں کے سنگ

مہکتی فضاؤں کے سنگ

تیری میری ملاقات ھو

لب کچھہ نہ بولیں

آنکھوں میں ہر بات ھو

دھیرے دھیرے دن گزرے

پھر شام ڈھلے

اور چاندنی رات ھو

گواہ اپنی محبت کے

چاند,ستارے,جگنو

فقط سہانے خواب ھوں

اور تم.........

اک پل کو

بیٹھو میرے پاس

تھام کر میرا ہاتھہ

اپنی تمام تر شدیتوں سے کہو

مجھے تم سے محبت ھے جاناں

میری ذات کی تکمیل

صرف تیری چاہت ھے جاناں

اور میں .......

اس ایک پل کو

قید کر کے اپنی مٹھی میں

ہزار صدیاں جی لوں

ہزار صدیاں جی لوں.....

( راحیلہ منظر)

دیس میرےنوں لٹ کے کھاگئے

دیس میرےنوں لٹ کے کھاگئے خاکی سول بابو

نشان عبرت اوہناں نوں بنادتاجہڑےلگے کرن قابو

انور عباس انور

'' کس نے جھلسا دئے چمن کے پھول ''

''شام'' میں اب نہیں نکلتا دن

موت تاریکیوں میں رقصاں ھے

کس نے جھلسا دئے چمن کے پھول

لاشے بکھرے پڑے ہیں گلیوں میں

بین کرتی ہیں ماوں کی آنکھیں

گھر کے آنگن,چمن , وطن ویراں

شام میں ھائے موت ہے رقصاں !

محمدناصراقبال خان،کالم نگار

تیری میری نبھنی اوکھی

تیری میری نبھنی اوکھی تو اتھری تے میں منہ زور

میرے دل وچ تووسدی پر تیرے من وچ کوئی ہور

انور عباس انور

تیز بارش

تیز بارش تو  ہے باہر مگر جانے کیوں 

بھیگتا جاتا ہے کمرے میں ہمارا تکیہ 

حسن زیدی

احسانِ اہلبیت

 حسین ابن علی کربلامیں آئے ہوئے ہیں 

  دشت کربلامیںخیمے اپنے لگائے ہوئے ہیں

 دیکھودیکھوجارہے ہیں حسین مدینے سے 

  مدینے والے جدائی میںآنسوبہائے ہوئے ہیں

 خوف زدہ ہیں خاندان رسول سے اتنے یزیدی

  نہرفرات پربھی پہرے بٹھائے ہوئے ہیں

 دکھاکرخطوط کوفیوںکے سب کوفیوںکو

  حسین فرمایاہم تمہارے ہی بلائے ہوئے ہیں

 آرہا ہے علی اکبراب میدان میں 

  دیکھ کریزیدی پہلے ہی گھبرائے ہوئے ہیں

 قربان ہوجاحسین پر ماں کہنے لگی

  بخشوں گی تجھے جودودھ پلائے ہوئے ہیں

 دیکھے توکوئی مشک آب حضرت عباس کی 

  دشمنوںنے جس پرتیربرسائے ہوئے ہیں

 ملے گی محشرمیںجنت ایسے مسلمانوںکو

  دل میںجویادحسین بسائے ہوئے ہیں 

 جاری ہے اب بھی ابن حیدرکی نماز

  ابھی تک سجدے میںسرجھکائے ہوئے ہیں

 ملانہیں ہے اعزازایساکسی اورکو

 ابن علی نیزے پرقرآن سنائے ہوئے ہیں

 کتنابڑااحسانِ اہلبیت ہے مسلمانوںپرصدیقؔ

  دے کرقربانیاں دین مصطفی بچائے ہوئے ہیں

کلام...محمدصدیق پرہار

ہمیشہ دیر کر دیتا ہوں میں(منیر نیازی)

ہمیشہ دیر کر دیتا ہوں میں، ہر کام کرنے میں

ضروری بات کہنی ہو کوئی وعدہ نبھانا ہو

اسے آواز دینی ہو، اسے واپس بلانا ہو

ہمیشہ دیر کر دیتا ہوں میں

مدد کرنی ہو اس کی، یار کی ڈھارس بندھانا ہو

بہت دیرینہ رستوں پر کسی سے ملنے جانا ہو

بدلتے موسموں کی سیر میں دل کو لگانا ہو

کسی کو یاد رکھنا ہو، کسی کو بھول جانا ہو

ہمیشہ دیر کر دیتا ہوں میں

کسی کو موت سے پہلے کسی غم سے بچانا ہو

حقیقت اور تھی کچھ اس کو جا کے يہ بتانا ہو

ہمیشہ دیر کر دیتا ہوں میں

نام ہی کیا نشاں ہی کیا خواب و خیال ہو گئے

جون ایلیا کی یادگار فائل فوٹو

نام ہی کیا نشاں ہی کیا خواب و خیال ہو گئے

تیری مثال دے کے ہم تیری مثال ہو گئے 

سایۂ ذات سے بھی رم عکس صفات سے بھی رم 

دشت غزل میں آ کے دیکھ ہم تو غزال ہو گئے 

کہتے ہی نشہ‌ ہائے ذوق کتنے ہی جذبہ ہائے شوق 

رسم تپاک یار سے رو بہ زوال ہو گئے 

عشق ہے اپنا پائیدار تیری وفا ہے استوار 

ہم تو ہلاک ورزش فرض محال ہو گئے 

جادۂ شوق میں پڑا قحط غبار کارواں 

واں کے شجر تو سر بسر دست سوال ہو گئے 

سخت زمیں پرست تھے عہد وفا کے پاسدار 

اڑ کے بلندیوں میں ہم گرد ملال ہو گئے 

قرب جمال اور ہم عیش وصال اور ہم 

ہاں یہ ہوا کہ ساکن شہر جمال ہو گئے 

ہم نفسان وضع دار مستمعان برد بار 

ہم تو تمہارے واسطے ایک وبال ہو گئے 

کون سا قافلہ ہے یہ جس کے جرس کا ہے یہ شور 

میں تو نڈھال ہو گیا ہم تو نڈھال ہو گئے 

خار بہ خار گل بہ گل فصل بہار آ گئی 

فصل بہار آ گئی زخم بحال ہو گئے 

شور اٹھا مگر تجھے لذت گوش تو ملی 

خون بہا مگر ترے ہاتھ تو لال ہو گئے 

جونؔ کرو گے کب تلک اپنا مثالیہ تلاش 

اب کئی ہجر ہو چکے اب کئی سال ہو گئے 

غزل

ویران اندر سے کر رہا ہے کوئی

مجھ سا مجھ میں اتر رہا ہے کوئی 

وقت سا تحلیل ہوا چاہتا ہے 

خاموش جان سے گزر رہا ہے کوئی 

ساتھ چلنے کا وعدہ تو کر لیا تھا

سفرطویل دیکھ کر مکر رہا ہے کوئی

کڑی دھوپ میں بھی تپش نہیں

ہاتھ اٹھائے دعا کر رہا ہے کوئی

دل کے سرتال بگڑے ہوئے ہیں

مجھ سے جیسے بچھڑرہا ہے کوئی

گرد ہی گردہے اور ہم راہی

ہرطرف جیسے بکھر رہا ہے کوئی

خالد راہی 

غزل

ویران اندر سے کر رہا ہے کوئی

مجھ سا مجھ میں اتر رہا ہے کوئی 

وقت سا تحلیل ہوا چاہتا ہے 

خاموش جان سے گزر رہا ہے کوئی 

ساتھ چلنے کا وعدہ تو کر لیا تھا

سفرطویل دیکھ کر مکر رہا ہے کوئی

کڑی دھوپ میں بھی تپش نہیں

ہاتھ اٹھائے دعا کر رہا ہے کوئی

دل کے سرتال بگڑے ہوئے ہیں

مجھ سے جیسے بچھڑرہا ہے کوئی

گرد ہی گردہے اور ہم راہی

ہرطرف جیسے بکھر رہا ہے کوئی

خالد راہی 

جامِ کوثر( کلام محمدصدیق پرہار)

 کریم ایسے ہیں رسوانہیںہونے دیتے

  جلوتوں،خلوتوںمیں تنہانہیںہونے دیتے

 آجائے محبوب کے پاس مجرم کوئی 

  کرتے ہیںمعاف سزانہیںہونے دیتے

 گراں گزرتاہے مشقت میںہماراپڑنا

  مشکل بھی کبھی ذرانہیںہونے دیتے

 زہے نصیب ابوبکروعمرکے رسول پاک 

  کبھی اپنے سے جدانہیںہونے دیتے

 لوٹاکرسورج غروب ہونے کے بعد

  نمازعلی کی قضانہیںہونے دیتے

 لے آتے ہیں تشریف زیرمدفن مصطفی 

  قبرمیںبھی تنہانہیںہونے دیتے

 پلائیں گے جام کوثراپنے ہاتھوںسے 

  محشرکے دن پیاسانہیںہونے دیتے

 بتاتے ہیں صحت مندزندگی کے اصول 

  کسی مصیبت میںمبتلانہیںہونے دیتے

 کرتے ہیں بھلاسب کاہی فائدہ 

  نقصان بھی کسی کانہیںہونے دیتے

 رکھیں گے بھرم امت کاکرکے شفاعت 

  قیامت میںبھی رسوانہیںہونے دیتے

 بھردیتے ہیں منگتوں کی صدیقؔ جھولیاں 

  مایوس کوئی بھی گدانہیںہونے دیتے

ذرا دل کے مسئلے سے نکل لیں

پھر دنیا تو جیت ہی لیں گے

عذرا مغل

ہم آندھیوں کے بن میں کسی کارواں کے تھے(جون ایلیا)

جون ایلیا کی جوانی کی یادگار تصویر 

ہم آندھیوں کے بن میں کسی کارواں کے تھے 

جانے کہاں سے آئے ہیں جانے کہاں کے تھے 

اے جان داستاں تجھے آیا کبھی خیال 

وہ لوگ کیا ہوئے جو تری داستاں کے تھے 

ہم تیرے آستاں پہ یہ کہنے کو آئے ہیں 

وہ خاک ہو گئے جو ترے آستاں کے تھے 

مل کر تپاک سے نہ ہمیں کیجیے اداس 

خاطر نہ کیجیے کبھی ہم بھی یہاں کے تھے 

کیا پوچھتے ہو نام و نشان مسافراں 

ہندوستاں میں آئے ہیں ہندوستاں کے تھے 

اب خاک اڑ رہی ہے یہاں انتظار کی 

اے دل یہ بام و در کسی جان جہاں کے تھے 

ہم کس کو دیں بھلا در و دیوار کا حساب 

یہ ہم جو ہیں زمیں کے نہ تھے آسماں کے تھے 

ہم سے چھنا ہے ناف پیالہ ترا میاں 

گویا ازل سے ہم صف لب تشنگاں کے تھے 

ہم کو حقیقتوں نے کیا ہے خراب و خوار 

ہم خواب خواب اور گمان گماں کے تھے 

صد یاد یاد جونؔ وہ ہنگام دل کہ جب 

ہم ایک گام کے نہ تھے پر ہفت خواں کے تھے 

وہ رشتہ ہائے ذات جو برباد ہو گئے 

میرے گماں کے تھے کہ تمہارے گماں کے تھے 

رب سائیں جے کرم کرے

رحمت اُس دی ہسّے 

اج دی اکھ چوں سمیا اتھرو 

کل دے سون دی بدلی بن کے 

پرسوں ویڑے وسّے 

رحمت اوہدی ہسّے 

رب سائیں جے کرم کرے تے 

کھڑن دلاں دے چنبے 

وٹیاں وچ پنیری لاواں 

بانکے پھل تروڑن لگیاں 

میری داہتھ کمبے 

کھڑن دلاں دے چمبے 

رب سائیں جے کرم کرے تے 

سب دی آس پجاوے 

تیرا پیار کدیں نہ ویچاں 

اپنا پیار جے ویچن نکلاں 

کوئی مُل نہ پاوے 

سب دی آس پجاوے 

رب سائیں جے کرم کرے تے 

اوہدے ہتھ وچ واگاں 

اج دی رات میں سفنے کتاں 

کل دی رات وی اکھ نہ میٹاں 

تے پرسوں رات وی جاگاں 

اوہدے ہتھ چ واگاں 

نوٹ:منو بھائی آج 19جنوری 2018 کو منوں مٹی تلے جا سوئے

اوہ وی خوب دیہاڑے سن

او وی خوب دیہاڑے سن 

بھک لگدی سی منگ لیندے ساں 

مل جاندا سی کھا لیندے ساں 

نہیں سی ملدا تے رو پیندے ساں 

روندے روندے سوں رہندے ساں 

ایہہ وی خوب دیہاڑے نیں 

بھک لگدی اے منگ نیں سکدے 

ملدا اے تے کھا نیں سکدے 

نیں ملدا تے رو نیں سکدے 

نہ رویے تے سوں نہیں سکدے 

نوٹ:منو بھائی آج 19جنوری 2018 کو منوں مٹی تلے جا سوئے

کیہ ہویا اے

کیہ ہویا اے 

کجھ نہیں ہویا 

کیہ ہوئے گا 

کجھ نہیں ہونا 

کیہ ہوسکدا اے 

کجھ نہ کجھ تے ہوندا ای رہنداے 

جو توں چاہنائیں او نیں ہونا 

ہو نیں جاندا 

کرنا پینداے 

عشق سمندر ترنا پینداے 

سکھ لئی دکھ وی جھلنا پینداے 

حق دی خاطر لڑنا پینداے 

جیون دے لئی مرنا پینداے 

نوٹ:منو بھائی آج 19جنوری 2018 کو منوں مٹی تلے جا سوئے

ایک صدا سی کانوں میں گونجتی رہتی ہے (خالد راہی)

ایک صدا سی کانوں میں گونجتی رہتی ہے

جیسے ہر کسی سے پتہ میرا پوچھتی رہتی ہے

آنکھوں میں اسکی کوئی منظرجم گیا ہو جیسے

میرے ساتھ ہوکر بھی مجھے ڈھونڈتی رہتی ہے

وہ جیسے مجھے پہچانتی ہے مجھ سے زیادہ

کہتی توکچھ بھی نہیں بس گھورتی رہتی ہے

میں اس پر مسلط کیا گیا ہوں جیسے

کسی زحمت کیطرح مجھے جھیلتی رہتی ہے

ایک خود ساختہ خدا سا دکھتا ہوں اسکو

میرے سامنے بیٹھ کر پوجتی رہتی ہے 

میری جستجو میری تگودو نامعلوم ہے خالد

سمندر میں جیسے ناؤکوئی ڈولتی رہتی ہے

خالد راہی

بے قراری سی بے قراری ہے۔۔۔(جون ایلیا کی دوسری کتاب’’یعنی ‘‘سے ایک خوبصورت غزل )

جون ایلیا کی جوانی کی یادگاری تصویر

بے قراری سی بے قراری ہے 

وصل ہے اور فراق طاری ہے ​

جو گزاری نہ جا سکی ہم سے 

ہم نے وہ زندگی گزاری ہے ​

بن تمہارے کبھی نہیں آئی 

کیا مری نیند بھی تمہاری ہے ​

اس سے کہیو کہ دل کی گلیوں میں 

رات دن تیری انتظاری ہے ​

ایک مہک سمت دل سے آئی تھی

میں یہ سمجھا تری سواری ہے​

خوش رہے تو کہ زندگی اپنی 

عمر بھر کی امید واری ہے