بے قراری سی بے قراری ہے۔۔۔(جون ایلیا کی دوسری کتاب’’یعنی ‘‘سے ایک خوبصورت غزل )

جون ایلیا کی جوانی کی یادگاری تصویر

بے قراری سی بے قراری ہے 

وصل ہے اور فراق طاری ہے ​

جو گزاری نہ جا سکی ہم سے 

ہم نے وہ زندگی گزاری ہے ​

بن تمہارے کبھی نہیں آئی 

کیا مری نیند بھی تمہاری ہے ​

اس سے کہیو کہ دل کی گلیوں میں 

رات دن تیری انتظاری ہے ​

ایک مہک سمت دل سے آئی تھی

میں یہ سمجھا تری سواری ہے​

خوش رہے تو کہ زندگی اپنی 

عمر بھر کی امید واری ہے