بیجنگ(نیٹ نیوز)چین کے سائنسدانوں نے کہا ہے کہ گرم چائے کے مستقل استعمال سے کھانے کی نالی کے کینسر کا خطرہ بڑھ جاتا ہے۔انالس آف انٹرنیشنل میڈیسن جریدے کے شائع کردہ مقالے کے مطابق تحقیق کے دوران 30 سے 79 سالہ 456,155 افراد کے گروپ کی صحت کا اور کھانے پینے کی عادات کا 10 سال تک جائزہ لیا گیا۔دن میں ایک تواتر سے چائے پینے والے اور کم از کم 15 گرام الکحل استعمال کرنے والے افراد کی کھانے کی نالی میں کینسر کے خطرہ کے 2 گنا زیادہ ہونے کی تصدیق کی گئی۔سائنس دانوں کے مطابق 65 سینٹی گریڈ سے زیادہ گرم مشروبات اندرونی اعضاء کو نقصان پہنچاتے ہیں اور کینسر کے خطرے میں اضافہ کرتے ہیں۔ گرم مشروبات ، الکحل اور سگریٹ کا ایک ساتھ استعمال بھی انسانی صحت کے لئے مضر ہے
کوئی تبصرے نہیں:
ایک تبصرہ شائع کریں