مرنے کے بعد زندہ ہونے والا جانور کون؟آپ بھی جانیں

 میکسیکو(نیٹ نیوز)میکسیکو میں ایک ایسا جاندار جو مرکر خود بخود دوبارہ زندہ ہوسکتا ہے،میکسیکن ایکسولاٹل نامی ایک جاندار ایک عرصے سے سائنسدانوں کی توجہ کا مرکز ہے کیونکہ اس کے بارے میں کہا جا رہا ہے کہ یہ مر کر دوبارہ پیدا ہو سکتا ہے۔میکسیکن ایکسولاٹل بالخصوص میکسیکو کی جھیل میں پایا جاتا ہے۔ یہ پانی کے ساتھ زمین پر بھی زندہ رہ سکتا ہے۔چھپکلی کی طرح نظر آنے والا یہ انوکھا جاندار اپنے عضو کو دوبارہ پیدا کرنے کی غیر معمولی صلاحیت رکھتا ہے۔آپ نے چھپکلی کی دم کٹ یا ٹوٹ جانے کے بعد اس میں سے نئی دم اگتے ہوئے دیکھی ہوگی لیکن اس جاندار کے بارے میں یہ بات سامنے آئی ہے کہ اگر اس کا کوئی عضو ضائع ہو جاتا ہے تو ہفتے بھر میں ہی اسی جگہ یہ ہڈیوں، نسوں اور گوشت پوست کے ساتھ اس عضو کو دوبارہ اگانے کی اہلیت رکھتا ہے۔یہاں یہ امر توجہ طلب ہے کہ مر کر پھر سے زندہ ہونے کے امکانات کے باوجود اسے ناپید ہونے کا خطرہ لاحق ہے۔ دوسری جانب سائنسدان یہ بھی کہتے ہیں کہ ان میں عمل تولید بھی آسان ہے۔