مریم نواز نے ججز پر تیر چلا دیئے،کون عزت کرتا ہے یہ بھی بتا دیا

فیصل آباد (نمائندگان) مریم نواز کی ایک بار پھر پانامہ فیصلے پر تنقید، بولیں کہ نواز شریف کا 5ویں بار ٹرائل ہورہا ہے، آج تو فیصل آباد والوں نے بھی بتادیا کہ نواز شریف کیخلاف فیصلہ منظور نہیں۔ ججز پر بھی لفظی تیر چلادیئے، کہتی ہیں کہ جب ایسے فیصلے کرو گے تو آپ کی عزت کون کرے گا۔فیصل آباد میں مسلم لیگ نواز کا سوشل میڈیا کنونشن منعقد ہوا جس سے خطاب کرتے ہوئے سابق وزیراعظم نواز شریف کی صاحبزادی مریم نواز نے ایک بار پھر عدلیہ اور ججز کو کھلی تنقید کر نشانہ بنایا، بولیں کہ عوام ناانصافی اور ظلم کے ضابطے نہیں مانتے، عوام بتائیں نواز شریف کیخلاف فیصلہ منظور ہے؟، کیا عوام ناانصافی اور ظلم کے ضابطے مانتے ہیں؟۔انہوں نے کہا کہ سپریم کورٹ کا نیب کو دیا گیا وقت ختم ہوگیا لیکن کچھ نہیں ملا، 6 ماہ کے دوران 6 روپے کی کرپشن بھی نہیں ملی، نواز شریف کا 5 ویں بار ٹرائل ہورہا ہے، جب ایسے فیصلے کرو گے تو آپ کی عزت کون کرے گا۔ 

اعتزاز احسن فرحت اللہ بابر کی حمایت میں بول پڑے،سینٹ میں آخری خطاب میں ججز پر تنقید

اسلام آباد(حرمت قلم نیوز)پیپلز پارٹی کے سینئر رہنما اعتزاز احسن نے سینٹ سے خطاب میں کہا ہے کہ انیس سو چونسٹھ سے فوجی حکمرانوں کیخلاف جدوجہد کررہا ہوں سینیٹ میں دھواں دھار الوداعی خطاب میں ان کا کہنا تھا جج قلم کے بجائے زبان کا استعمال کرکے تجاوز کرتے ہیں، فیض آباد دھرنے میں پیسے بانٹ کر آئینی حدود سے تحاوز کیاگیا۔ان کا کہنا تھا کہ فرحت اللہ بابر سے سوفیصد متفق ہوں،پرویز مشرف نے مجھے وزیراعظم بننے کا لالچ دیا، 1964سے فوجی حکمرانوں کے خلاف جدوجہد کررہا ہوں، پرویزمشرف کی حکومت ہٹانے میں میرا ادنی سا کردار تھا۔اعتزازاحسن نے کہا کہ مارشل لاء ادوار میں سیاسی کارکنوں پر کوڑے برسائے گئے،جیل جاتا تھا تو اکثرمیرا بغاوت کا جھنڈا میری اہلیہ اٹھاتی تھی، 4 ملٹری ڈکٹیٹرز آئے میں نے چاروں کے خلاف احتجاج کیا۔