سپریم کورٹ نے اعتزاز احسن کو جرمانہ کر دیا،ساتھ میں بڑا چیلنج بھی دے دیا

لاہور(حرمت قلم نیوز)سپریم کورٹ نے کیس میں طویل مہلت کے اصرار پر بیرسٹر اعتزاز احسن پر 10 ہزار روپے جرمانہ عائد کردیا تفصیلات کے مطابق سپریم کورٹ لاہور رجسٹری میں فارمولا دودھ کے خلاف ازخود نوٹس کیس کی سماعت چیف جسٹس ثاقب نثار نے کی۔ عدالتی طلبی پر میجی فارمولا دودھ کمپنی کے مالک پیش ہوئے اور عدالت میں بیان دیا کہ آئندہ میجی فارمولا ملک کے ڈبوں سے دودھ کا لفظ حذف کردیا جائے گا۔کمپنیوں کے وکیل اعتزازاحسن کے جونیئر وکیل نے عدالت میں بیان دیا کہ اعتزازاحسن مصروفیت کی بنا پر پیش نہیں ہوسکتے لہذا عدالت انہیں مہلت دے۔ چیف جسٹس نے ریمارکس دیئے کہ آپ ہمیں اعتزازاحسن کے نام سے نہ ڈرائیں وہ ہمارے لئے محترم ہیں، اعتزازاحسن پارلیمنٹ میں کہتے ہیں کہ ہم اختیارات سے تجاوز کررہے ہیں یہی بات وہ ہمارے سامنے بھی آکر کہیں۔عدالت نے طویل مہلت کے اصرار پر اعتزازاحسن پر 10 ہزار روپے جرمانہ عائد کرتے ہوئے نیسلے ملک کے وکیل کو دلائل کے لئے طلب کرلیا جب کہ کیس کی سماعت آج تک کے لئے ملتوی کر دی۔

صوبائی اور بلدیاتی اداروں کی کارکردگی کا پول کھل گیا،کراچی کی صورتحال بھی سامنے آگئی

کراچی (حرمت قلم نیوز)ناقص طرز حکمرانی اور اداروں کی کمزور صلاحیت، کراچی کی ترقی میں بڑی رکاوٹ بن گئی، روشنیوں کے شہر کی تاریکیاں دور کرنے کیلئے ہر سال 100 ارب روپے درکار ہیں، ورلڈ بینک نے رپورٹ جاری کردی۔ناقص طرز حکمرانی اور اداروں کی کمزور صلاحیت کراچی کی ترقی میں بڑی رکاوٹ بن گئی، روشنیوں کے شہر کی تاریکیاں دور کرنے کیلئے ہر سال 100 ارب روپے درکار ہیں، ورلڈ بینک نے رپورٹ جاری کردی۔کراچی کی بدحالی پر ورلڈ بینک کی رپورٹ میں بلدیاتی اور صوبائی اداروں کی ناقص کارکردگی کا پول کھل گیا۔ رپورٹ میں بتایا گیا ہے کہ شہر کے انتظامی اداروں میں رابطے نہیں ہیں، جس کی وجہ سے صفائی اور سیوریج کا نظام ابتر ہے، ٹوٹی پھوٹی سڑکیں اور ناکافی ٹرانسپورٹ سسٹم بھی شہر کی ترقی کی راہ میں رکاوٹ ہے۔ورلڈ بینک کے مطابق جرائم اور بدنظمی کے باعث روشنیوں کا شہر اندھیروں کا شکار ہے، کراچی کو قابل رہائش اور میگا سٹی بنانے کیلئے 10 برسوں میں ایک ہزار ارب روپے درکار ہوں گے، ٹیکس وصولیوں میں اضافے اور وفاقی و صوبائی بجٹ سے یہ رقم کراچی کو فراہم کرکے شہر کا انفراسٹرکچر بہتر بنایا جاسکتا ہے۔