بھارت میں پاکستانی ہائی کمیشن حکام کو ہراساں کیا جانے لگا،بچوں کو سکول بھی جانے نہیں دیا جاتا

اسلام آباد(نیٹ نیوز) نئی دہلی میں پاکستانی ہائی کمیشن حکام کےساتھ نارواسلوک کی اطلاعات ہیں۔ذرائع نےبتایاہےکہ 3روزسےنئی دلی میں پاکستانی ہائی کمیشن حکام کوہراساں کیاجارہاہے۔ ذرائع نے بتایاہےکہ عملےکےساتھ غلط زبان کااستعمال کیاجارہاہے اورانہیں گاڑیوں سےاتارنےجیسےواقعات پیش آرہے ہیں۔ذرائع نے مزید بتایاکہ ہائی کمیشن کی2گاڑیوں کےحادثات بھی کیےگئےجس پراحتجاج کیاگیا۔ ذرائع نے تشویش کااظہار کیاہےکہ موجودہ صورتحال میںپاکستانی سفارتی اہلکاروں اوراہلخانہ کابھارت میں رہناناممکن ہورہاہے۔ ذرائع نے مزید بتایاکہ پاکستانی ڈپٹی ہائی کمشنرکےبچوں کوسکول جانےسےبھی روکاگیاہے۔ 

خواجہ آصف کے چہرے پر سیاہی پھینک دی گئی،منہ کالاہوگیا

سیالکوٹ (نمائندگان) سیالکوٹ میں وزیر خارجہ خواجہ آصف پر نامعلوم شخص نے سیاہی پھینک دی، مسلم لیگ ن کے رہنما ورکرز کنونشن سے خطاب کررہے تھے کہ سٹیج پر عقب سے ایک شخص نے سیاہی کی بوتل ان پر انڈیل دی۔سیالکوٹ میں مسلم لیگ ن کا ورکرز کنونشن جاری تھا، وزیر خارجہ خواجہ آصف خطاب کر رہے تھے کہ نامعلوم شخص نے ان کے چہرے اور کپڑوں پر سیاہی پھینک دی۔مسلم لیگ ن کے رہنماء اور وزیر خارجہ خواجہ آصف پر اسٹیج کے عقب سے ایک شخص نے بوتل میں بھری سیاہی پھینک دی، سیاہی سے ان کا چہرہ اور کپڑے سیاہ ہوگئے، پولیس نے سیاہی پھینکنے والے نوجوان کو گرفتار کرلیا۔