خانیوال(نیٹ نیوز) کبیروالامیں موٹروے بنانے والے چینی انجینئرز اور پولیس اہلکاروں میں جھگڑے کی انکوائری رپورٹ میں چینی انجینئرز کو قصوروار قرار دے دیا گیا۔چینی انجینئرز نے تحقیقاتی رپورٹ تسلیم کرنے سے انکار کردیا۔کبیروالا میں پولیس اہلکاروں کی پٹائی کےمعاملےمیں قصور چینی انجینئرز کا نکلا۔ پاکستان میں چینی باشندوں کی بدمعاشی کی انکوائری میں سب سامنے آگیا۔
آر پی او آفس نے چینی انجینئرز کو جھگڑے کا ذمہ دار ٹھہرادیا۔اجلاس میں دونوں فریقین میں صلح کرادی گئی۔ انجینئرز کو سخت وارننگ بھی جاری کی گئی کہ آئندہ بغیر سکیورٹی سفر بھی نہیں کرسکیں گے۔انکوائری میں قصورثابت ہواتو چنی انجیئنرز ساری اکڑ بھول گئےاورجن اہلکاروں کو مارا تھا ان کی ہی مختلف پھلوں سےتواضع کی۔آر پی او نے معاملہ تو حل کروا دیا مگرچینی انجینئرزانکوائری کمیٹی کی تحقیقات سے مطمئن نہیں۔کمشنرملتان سے تحقیقات کرانے کی درخواست کردی۔
